Babasan Sunda sareng Hartosna

Babasan téh mangrupa ungkara basa anu diwangun ku dua kecap atawa leuwih, anu ngandung harti injeuman (mamanis basa). Babasan ilaharna dipaké pikeun ngagambarkeun sipat, kalakuan, atawa kaayaan hiji jalma ku cara anu leuwih halus atawa euyeub ku siloka. Di handap ieu aya sababaraha conto babasan Sunda anu umum dipaké dina kahirupan sapopoé, anu mangrupa kabeungharan basa pikeun murid sakola dasar dina ngalatih rasa jeung tatakrama basa.

No.	Babasan	Hartosna
1	Amis daging	Babari borok
2	Leutik burih	Kurang kawani
3	Héjo tihang	Resep pipindahan gawé
4	Gurat batu	Mawa karep sorangan
5	Béngkok tikoro	Sial, teu kabagéan dahareun
6	Beurat birit	Kedul, hésé dititah
7	Lésang kuras	Teu bisa neundeun duit
8	Laér gado	Resep barang pénta
9	Heuras genggerong	Ngomongna kasar
10	Hampang leungeun	Babari teuteunggeul
11	Apal cangkem	Apal, tapi teu nyaho hartina
12	Ceuli léntaheun	Sok sadéngé-déngéna
13	Galégéh gado	Saréséh, soméah, akuan ka batur/sémah
14	Hampang birit	Daékan
15	Buntu laku	Teu bisa neruskeun usaha
16	Panjang leungeun	Tukang puak-paok
17	Gedé hulu	Sombong, adigung
18	Dug hulu pet nyawa	Digawéna beurat méh taya eureunna
19	Karasa pait peuheurna	Karasa susah jeung senangna
20	Aya jurig tumpak kuda	Aya rejeki anu teu pati diarep-arep